 | આજ સુધી ભલે આપે એક પણ પુસ્તક ન વાંચ્યું હોય, હવે વાંચવાની શરૂઆત કરો. |
| વાંચે ગુજરાત અભિયાન દરેક બાળક ખૂબ વાંચે અને શ્રેષ્ઠ વાચક સ્પર્ધામાં ભાગ લે એવી અપેક્ષા છે, એટલે આ સ્પર્ધામાં ભાગ લેવા આપ કટીબધ્ધ બનો. |
| તમારા મિત્રોને પણ આ સ્પર્ધામાં ભાગ લેવા સમજાવો અને પ્રેરણા આપો. |
| અભિયાન હેઠળ શું વાંચવું, જીવનધ્યેય શા માટે નક્કી કરવું જોઇએ, કેવી રીતે નક્કી કરવું જોઇએ, કેવી રીતે વિચારવું જોઇએ, સારાં પુસ્તકો કોને કહેવાય અને કેવી રીતે મેળવી શકાય એ માટે તમારી શાળામાં વિચાર વાચન શિબિરનું આયોજન થશે. આ શિબિરમાં જરૂરથી ભાગ લો. |
| અભિયાન દરમ્યાન કેટલા પુસ્તકો વાંચશો, તેનો સંકલ્પ કરો. |
| આપના ગામની / શહેરની જાહેર લાયબ્રેરીના સભ્ય બનો અને ત્યાંથી પુસ્તકો મેળવો. |
| ક્યા પુસ્તકો વાંચવા જોઇએ તે માટે તમારા ગ્રંથસારથિ (માર્ગદર્શક) શિક્ષક પાસે માર્ગદર્શન મેળવો. |
| તમારા માતા-પિતા, કુટુંબીજનો અને અન્ય શિક્ષકો પાસે પણ માર્ગદર્શન મેળવો. |
| વર્ષ દરમ્યાન આઇસ્ક્રીમ, ચોકલેટ, પેપ્સી, પતંગ કે ફટાકડાનો ખર્ચ થોડો ઓછો કરી એકાદ-બે પુસ્તકો ખરીદો. |
| પુસ્તકમેળા, પુસ્તક પ્રદર્શનની અવશ્ય મુલાકાત લો. |
| શાળાની પ્રેરણાસભામાં આવનાર મહાનુભવોની વાતો ધ્યાનથી સાંભળો અને આચરણમાં ઉતારો. |
| વાચન અભિયાન હેઠળ તમારે તમારા જીવનનું ધ્યેય નક્કી કરવાનું છે. તમારા જીવન ધ્યેય વિષે વિચારો, નક્કી કરો, લખો અને દિવસે દિવસે એમાં ઉત્ક્રાંતિ કરતાં રહો. |
| તમારો રોલ મોડેલ પણ પસંદ કરો. |
| અભિયાન સાથે સાથે યોજાનારી વાચન પ્રેરણા અને જીવનધ્યેયલક્ષી વક્તૃત્વ, નિબંધ, ચિત્રકલા અને સુવિચાર સ્પર્ધાઓમાં પણ ભાગ લો. |
| વેકેશન દરમ્યાન ખૂબ વાંચો. |
| જેમણે ઓછામાં ઓછા પાંચ પુસ્તકો વાંચ્યા હોય એમની જોડે જ મિત્રતા રાખવી. |
| આપ પણ શક્ય હોય તો એક પુસ્તક તરતું મૂકો. |
| શાળામાં અને ગામ / શહેરની લાયબ્રેરીમાં યોજાતા મને ગમતું પુસ્તક વાર્તાલાપમાં ભાગ લો. |
| તમારાં કુટુંબના સભ્યોને, મમ્મી-પપ્પાને પણ પુસ્તકો વાંચવા માટે સમજાવો. |
| શાળાની / વર્ગની વાચન પ્રેરણા નોંધપોથીમાં તમારા વિચારો લખો. |
| તમારી જીવનધ્યેય નોંધપોથી તૈયાર કરો અને તમારૂં જીવનધ્યેય લખો. |